Узорны тэатральны калектыў "Быть!"
Дзіцячы тэатральны калектыў створаны ў 2012 годзе. Удзельнікі калектыву – вучні і выпускнікі тэатральнага аддзялення, узрост якіх ад 11 да 15 гадоў. Кіраўнік калектыву – Афоніна Наталля Алегаўна – настаўнік тэатральнага аддзялення Іўеўскай дзіцячай школы мастацтваў.
Асноўнай мэтай дзейнасці тэатральнага калектыву з’яўляецца выяўленне таленавітых дзяцей, стварэнне ўмоў для развіцця іх здольнасцей. На занятках выхаванцы і мастацкі кіраўнік цесна супрацоўнічаюць.
Удзельнікі калектыву пастаянна выступаюць на шматлікіх раённых мерапрыемствах. Традыцыйнымі з'яўляюцца выступленні перад выхаванцамі дзіцячых дашкольных устаноў і вучнямі агульнаадукацыйных школ. З вялікім задавальненнем дзеці дэманструюць свае творчыя здольнасці і перад выхаванцамі Іўеўскага раённага сацыяльна-педагагічнага цэнтра. Калектыў – актыўны ўдзельнік раённых дабрачынных акцый. Кожнае выступленне дзіцячага тэатра выклікае ў гледачоў добрыя станоўчыя эмоцыі.
Калектыў прымае актыўны ўдзел у конкурсах і фестывалях розных узроўняў – раённых, абласных, рэспубліканскіх, міжнародных, дзе займае прызавыя месцы. Удзельнікі калектыву неаднаразова станавіліся лаўрэатамі І, ІІ, ІІІ ступеняў Міжнароднага конкурсу “Новые вершины” (г. Мінск, 2022 г.), “Хрустальный василёк” (г. Мінск, 2023г.), “#Byfest” (г. Мінск, 2021, 2022 гг.), Рэспубліканскага конкурса маладых выканаўцаў “Беларускія таленты” (г. Мінск, 2021, 2024 гг.). Работы тэатральнага калектыву, якія былі дасланы на конкурс-фестываль “Новые вершіны” (г. Санкт-Пецярбург) і конкурс-фестываль “Неделя искусств” (г. Санкт-Пецярбург) атрымалі дыплом лаўрэата І ступені ў 2021 годзе. На абласным фестывалі ўзорных тэатральных калектываў “Слонімскія цудадзействы” адзначаны дыпломам лаўрэата ІІІ ступені (г.Слонім, 2023 г.).
